7-11慶祝第1000間分店 玩AR遊戲贏千元現金券

梗有一間喺左近嘅7-Eleven，早前迎來第1,000間分店開業。公關姐妹同黛安講，下月會陸續推出好多祝賀優惠，由今日起至下月13日率先推出首個WEB AR遊戲打頭炮，只要喺7-Eleven買滿廿蚊嘢，用手機掃描收據上嘅二維碼，再對準店內指定圖案便可「即玩即中獎」，有機會贏取$100或$1,000嘅7-Eleven電子現金券、免費飲7CAFÉ咖啡，仲有17款人氣品牌購物折扣優惠，總值超過$1,000萬。

另外，好受歡迎嘅Häagen-Dazs優惠會同步登場，今起一連5日，去7-Eleven買Häagen-Dazs迷你雪糕杯或意式冰凍甜點，一律$100有5杯；用埋電子優惠券加15蚊仲有第6杯，平均1杯只需$19.2咋。yuu會員仲有雙重獎賞，花4,000 yuu積分可即換即用$20嘅7-Eleven現金券，且每買1件Häagen-Dazs雪糕可儲多1個印花，夠6個就可換多1杯，夏天一定透心涼。